Hoop

Prut dit in die osoonborrels,

drome van ’n stoomfontein,

vanuit ’n tarot suite se rinkel-rinkel?

Lê dit in ’n uitgelekde oogkas

van vriend Koki,

tussen die savannes van my maagspiere,
of die Oppenheimer-splitsing se pers droom?

Dalk vanaf die gelapde lippe van ’n chanteuse

wat oberammergauerig in ’n venster

sit en snik-dut

of, daar waar die see so ribbes

maak op Strandfontein se strand?

Van waar?